Vilat LUXURY janë rezidencat më ekskluzive të kopshtit tonë. Avantazhi i tyre nis që nga pozicioni ku ndodhen: në zonën më të gjelbëruar. Këto vila dallohen në të gjithë rajonin për nga arkitektura dhe përqasja në menaxhimin e hapësirave. Ndryshe nga vilat “copy-paste” që jemi mësuar të shohim në rezidenca të tjera, secila prej tyre është trajtuar si një vepër unike. Arkitektura e tyre u përket stilit perëndimor modern, ku drita është faktor kyç. Përtej dritareve të bollshme, fasadat ndërthurin elementet e drurit me grafiaton, xhamin dhe çimenton e përpunuar.

Vilat i dedikojnë pronarëve të tyre dy kate plot hapësirë, ku ka vend për dy dhoma ndenjeje, një suitë, tre apo më shumë dhoma gjumi dhe për komoditete si jacuzzi apo sauna. Shkallët mes kateve janë me përmasa monumentale, për t’i bërë ambientet e brendshme të duken madhështore. Nuk mungojnë ambientet e parkimit për dy makina dhe një kat përdhes, i cili është i disponueshëm për zona argëtimi, si salla kinemaje apo lojrash. Në oborr ju pret pishina dhe një kopësht për momente familjare me privatësi absolute.